நெல் ஜெயராமன்

*நெல் செயராமன்..*

உலகில், உணவின் அடையாளம் நெல்.. அந்த *பாரம்பரிய நெல்லின் அடையாளம் ஐயா 'நெல் செயராமன்'..*

4000 த்திற்கிம் அதிகமான நெல் ரகங்களை தமிழ் மக்கள் இழந்த நிலையில் 150 க்கும் மேற்பட்ட பாரம்பரிய நெல் ரகங்களை மீட்டெடுத்து உழவர்களுக்கு இலவசமாக விதை நெல் வழங்கி நாம் இழந்த்தை மீண்டும் நம் தமிழ் மண்ணுக்கு வழங்கினார்..

பாரம்பரிய நெல் வகைகளை காப்பாற்றியதற்காக மாநில, தேசிய விருதுகளை நெல் ஜெயராமன் பெற்றிருக்கிறார்.

  மரபணு மாற்ற விதை திட்டங்களுக்கு எதிராகவும் நெல் ஜெயராமன் குரல் கொடுத்து வந்தார்.

*மாண்டது வெறும் உயிரல்ல , இந்த உலகமே அபகரிக்க துடிக்கும் நம் மண்ணின் வளத்தை, விவசாயத்தை தினம் தினம் பாதுகாத்த ஒரு விவசாயி  காலமானார்😥*

பாரம்பரிய நெல் வகைகளை காப்போம்... 🌾🙏🏽🌾🙏🏽🌾🙏🏽🌾🙏🏽🌾

*யார் இந்த நெல் ஜெயராமன்?*

நெல் ஜெயராமனின் வாழ்க்கை வரலாறு..!!

இயற்கை வேளாண் விஞ்ஞானி கோ.நம்மாழ்வாரின் தீவிர விசுவாசியான நெல் ஜெயராமன் இன்று காலமானார்.

கடந்த 15 ஆண்டுகளாக தமிழகம் முழுவதும் பயணம் செய்து 170 அபுர்வ நெல் வகைகளை மீட்டெடுத்தவர் நெல் ஜெயராமன். இவரின் சிறப்புகளையும் அவர் செய்த சேவைகளைப் பற்றியும் இங்கு காண்போம்.

*பிறப்பு :*

🌾 நெல் இரா.ஜெயராமன் அவர்கள், திருவாரூர் மாவட்டம் திருத்துறைப்புண்டி அடுத்த கட்டிமேடு கிராமத்தில் ஏழை விவசாயக் குடும்பத்தில் ஏப்ரல் 15, 1968-ம் ஆண்டில் பிறந்தவர். இவர் 9-ம் வகுப்பு வரை மட்டுமே படித்துள்ளார். திருத்துறைப்புண்டியில் தொழிலாளியாக வேலைச் செய்தார்.

*நம்மாழ்வாரின் தொண்டர் :*

🌾 நஞ்சில்லா உணவை முன்னிறுத்தி 2003-ல் பும்புகார் முதல் கல்லணை வரை ஒரு மாத காலம் நம்மாழ்வார் நடத்திய விழிப்புணர்வு நடைபயணத்தில் ஜெயராமன் பங்கேற்றார்.

🌾 அந்தப் பயணத்தின்போது, காட்டுயாணம் உட்பட 7 பாரம்பரிய நெல் ரகங்களின் விதைகளைச் சில விவசாயிகள் நம்மாழ்வாரிடம் வழங்கினர்.

🌾 அவற்றை ஜெயராமனிடம் ஒப்படைத்த நம்மாழ்வார், அவற்றை மறு உற்பத்தி செய்து விவசாயிகளிடம் பரப்ப வேண்டும் என்று கேட்டுக்கொண்டார்.

🌾 அன்றுமுதல் இன்று வரை அந்த பயணத்தை சிறப்பாக செய்தார்.

*விருதுகள் :*

🌾 இரா.ஜெயராமன் பணிகளுக்காக விஜய் தொலைக்காட்சியின் மாற்றம் தேவை நிகழ்ச்சியில் இவருக்கு இயற்கை விதை நெல் மீட்பாளர் விருதை வழங்கியது.

🌾 இவரது பணிகளை அங்கீகரிக்கும் வகையில், தேசிய அடிப்படை நிலைக் கண்டுபிடிப்பு - பாரம்பரிய அறிவுக்கான விருதையும், இளம் காந்தியத் தொழில்நுட்பக் கண்டறிதலுக்கான சம்மான் விருதையும் மத்திய அரசின் அறிவியல் தொழில்நுட்ப அமைச்சகம் வழங்கிக் கவுரவித்துள்ளது.

*பெயர் காரணம்:*

🌾 நம்மாழ்வார், தான் கொடுத்த பணியை சிறப்பாகச் செய்ததால் ஜெயராமனாக இருந்த அவரது பெயரை நெல் ஜெயராமன் என பெயர் சுட்டினார்.

*நெல் வகைகள் :*

🌾 1,000 ஆண்டுகள் பழமையும், பாரம்பரியமும் கொண்ட 10 ஆயிரத்துக்கும் மேற்பட்ட நெல் வகைகள் நம் முன்னோரிடம் புழக்கத்தில் இருந்ததாகக் கூறப்படுகிறது.

🌾 கடந்த 50 ஆண்டுகளில் தான் பாரம்பரிய நெல் ரகங்கள் பெருமளவு அழிந்ததாக சுழலியல் ஆர்வலர்கள் கூறுகின்றனர்.

🌾 இந்த சுழலில் தான் இயற்கை வேளாண் விஞ்ஞானி எனப் போற்றப்பட்ட நம்மாழ்வாரின் இயக்கத்தில் இணைந்திருந்த நெல் ஜெயராமன், பாரம்பரிய நெல் வகைகளை மீட்கும் பணியைத் தொடங்கினார்.

*பணிகள் :*

🌾 பாரம்பரிய நெல் ரகங்களைத் தேடி அவற்றை மீட்டெடுக்கும் நெடும் பயணத்தை நெல் ஜெயராமன் தொடங்கினார். இதுவரை 169 வகையான பாரம்பரிய நெல் வகைகளை மீட்டெடுத்துள்ளார்.

🌾 திருத்துறைப்புண்டி அருகே ஆதிரெங்கம் கிராமத்தில் பாரம்பரிய நெல் மையத்தையும் உருவாக்கியுள்ளார்.

🌾 அமெரிக்காவில் வசிக்கும் நரசிம்மன் என்பவர் வழங்கிய 5 ஏக்கர் நிலத்தில், நெல் ஜெயராமனால் உருவாக்கப்பட்டுள்ள இந்த பாரம்பரிய நெல் மையம், இயற்கை வேளாண் ஆர்வலர்களுக்கு வழிகாட்டும் மிகச் சிறந்த ஆய்வு மையமாக திகழ்கிறது.